COMEZA A SEMANA CULTURAL 2018

Benvidos un ano máis á semana cultural!!!


Como cada ano vívese unha semana especial no Colexio Martín Codax, onde os alumnos e alumnas de secundaria toman un papel máis activo se cabe, menos receptivo. Durante este tempo son os encargados de elaborar diversas actividades didácticas pensadas para os máis pequenos e pequenas. Isto implica que os alumnos e alumnas da ESO collan responsabilidade cara o seu traballo, xa que non o fan para eles se non para outras persoas.


Este ano a semana cultural está dedicada ás mulleres e ao seu importante papel na sociedade, xa que durante toda a historia non foron nin son valoradas como é debido. Engadímonos deste xeito ao clamor popular que as diferentes plataformas por a igualdade de dereitos e oportunidades fixeron notar o pasado 8 de marzo, cando miles de persoas, sobre todo mulleres, pero tamén homes, uniron as súas voces e as fixeron escoitar por case todos os rincóns do noso mundo. #ninunhamenos


Os alumnos e alumnas de secundaria encárganse de diferentes tarefas. Os rapaces e rapazas de 1º de ESO están encargados das actividades para os nenos de infantil; os e as de 2º de ESO darán a coñecer aos nenos e nenas o papel da muller nos diferentes ámbitos sociais ao longo da historia; os alumnos e alumnas de 3º de ESO teñen a obriga de levar adiante varias tarefas: por unha banda están os pastores, que son os encargados de guiar ao alumnado máis cativo ás diferentes actividades, por outra banda estamos nós, o departamento de prensa, os encargados e encargadas de informar sobre todo o que está a ocorrer na escola estes días, e por último están os alumnos e alumnas encargados de realizar diversas actividades, como a decoración da escola con versos de diferentes autoras galegas, derrubando muros con poesía; o alumnado de 4º de ESO ten a responsabilidade de axudar a esnaquizar teitos de vidro e amosaranos o papel fundamental, e moitas veces silenciado, das mulleres no mundo da ciencia.


Os alumnos e alumnas de primaria e infantil empápanse de coñecementos dunha maneira divertida e entretida nas diversas actividades expostas polos seus compañeiros máis maiores. Sempre é máis doado e interesante aprender dos iguais, e non dos “catedráticos”.


Poderedes atopar información durante toda a semana neste blog e nas nosas redes sociais:



Twitter : https://twitter.com/colemartincodax?lang=es

Facebook: https://www.facebook.com/colexiomartincodax/

Comentarios

Publicar un comentario

Entradas populares de este blog

O limpaparabrisas de Mary Anderson: a pragmática feminina

Imagen
O equipo composto por Blas C., Miguel I., César P., Brais R., Juan U. e Adrián I. escolleron a inventora do parabrisas, Mary Anderson (nada en 1866 e finada en 1953 aos 87 anos de idade). A esta gran muller ocurríuselle a idea de inventar o limpaparabrisas despois de viaxar nun tranvía, en Nova Iorque, e observar que durante o percorrido o condutor debía deterse cada dous por tres para limpar os cristais (cosa que lle sorprendeu e lle fixo pensar que facía perder moito tempo a todos os pasaxeiros). Cando regresou a Alabama, a súa terra, desenvolveu o seu invento e conseguiu que se producise. Sen nos decatar moito lle facemos unha pequena homenaxe cada vez que alumeamos os limpias nos nosos vehículos, e na nosa terra é bastante cotiá, debémoslle moito a esta gran inventora. Ademáis de inventora, Mary Anderson tamén foi promotora inmobiliaria, ranchera e viticultora, toda unha polímata.              Os investigadores codaxiáns es...
Leer más

Tea,plastilina,vimbio, e voilà!

Imagen
Hoxe é mércores vinteún de marzo, e teño que ir a lavandería a levar a miña alfombra, que hoxe pola mañá ensuciei con café. O único que non entendo é por que teñen que cobrarme quince ou vinte euros por limpar unha simple alfombra, se a súa fabricación é moi moi fácil, só hai que meter a la nunha máquina, darlle ao prendido e esperar. En cinco minutos xa tes corenta e tres alfombras listas. Pregúntome como sería antigamente... Para sabelo, invitámosvos a un taller asombroso, inspirado na época das nosas avoas e avós, e na industria daqueles tempos. Neste obradoiro atopamos tres industrias diferentes: unha de alfombras, outra de cestería e a terceira de cerámica. Na de alfombras soamente traballan dúas mulleres de 2º de ESO, e fan moito traballo, pois estas alfombras non son nada sinxelas... Para poder facelas, soamente precisamos un aro e tela de trapallo. Para comezar temos que atar a la ao aro, é un pouco complexo, xa que soamente podes usar unha man: primeiro, atas un extrem...
Leer más

Soños despertos: versos e palabras

Imagen
As alumnas e os alumnos de 3º da ESO se reparten en diferentes actividades durante a semana cultural: loxísticas, artísticas, culturais, informativas, etc. Unha das actividades máis visuais, e tamén artística, é a elaboración de enormes poemas para dar vida e xerar un contorno artístico e emotivo á escola. As obras elixíronse tras unha busca por parte do alumnado, que intentaron atopar poemas que xeraran ganas de sentir e vivir a nosa lingua, o noso arte.  O profesor encargado de supervisar esta actividade e Xavi, o profesor de galego de 3º e 4º da ESO. Os participantes nesta actividade que require sensibilidade artística e visión espacial foron algunhas alumnas e alumnos de 3º de ESO (Alfonso G., Zoe S., Iago G., Lucia M., Laura N., Paula V., Sara R., Andrea B., Pilar G., Hugo N., Natalia M., Fernando V.). Esta actividade, aproveitando que onte foi o día internacional da poesía, se está a facer para dar un toque cultural e colorido a todos os espazos baleiros do colex...
Leer más